/image%2F1044783%2F20160217%2Fob_09feac_img-0347-copie.JPG)
مازال، مازال، مازال واقفين.
مازالنا للكابرانات راضخين *** وعلى نهب أموالنا ساكتين
مازالنا احنا الشباب متقاعدين *** ولقرارم فالكرسي لاسقين
مازالنا بالذُّل راضيين *** و بالتزوير قابلين
مازالنا للماضي مُمَجدين *** وللمُستقبل مُتجاهلين
مازالنا للعُلماء مْفرطين *** و للبقَّارة مبجلين
مازلنا للتقاليد مْطبقين *** و لكلام الله صادين
مازالنا للرشوة دافعين *** وللصداقة متناسيين
مازالنا على الغلاء صابرين *** ولسلعة لاشين مهرولين
مازالنا للإنظباط كارهين ***وللفوضى مرحبين
مازالنا فالتهديم فالحين *** وفي البناء خايبين
مازالنا لغيرنا لائمين*** ومع أنفسنا متساهلين
مازالنا على اللامبالاة متعودين ** وفالمكتوب كل شي ماسحين
مازالنا في بلادنا سامحين ***وللخارج هاربين
مازالنا نائمين *** و لمُعجزة التغيير مُنتظرين
مازال، مازال، مازال واقفين.
صح
